”எகிப்து வெங்காயத்தை வியாபாரிகள் நேரடியாக இறக்குமதி செய்து விற்கிறார்கள். அந்த வெங்காயத்தை பற்றி பொதுமக்கள் இடையே பீதி ஏற்படுத்த வேண்டாம். எகிப்து வெங்காயத்தில் சல்பர் அதிகம் உள்ளது.காரத்தன்மை அதிகம். இருதய நோய்க்கு மிகவும் நல்லது. உடனே கெட்டுப்போகாது.” என அமைச்சர் செல்லூர் ராஜூ தெரிவித்துள்ளார்.

05:34:40 on 12 Dec

ஜெயலலிதாவின் வாழ்க்கை வரலாற்றுத் தொடராக இணையத்தில் வெளியிடப்படும் 'குயின்', மற்றும் 'தலைவி ' படத்துக்குத் தடையில்லை என்று சென்னை உயர் நீதிமன்றம் உத்தரவிட்டுள்ளது. இதன் மூலம் 'குயின்' இணையதளத் தொடரும், 'தலைவி' படமும் சிக்கலின்றி வெளியாக உள்ளன.

05:27:01 on 12 Dec

சென்னை திருவான்மியூர் மருதீஸ்வரர் கோயிலில் கார்த்திகை தீபத்தை முன்னிட்டு பக்தர்கள் கூட்டம் அதிகம் காணப்பட்டது. இதனை பயன்படுத்தி கூட்டத்தில் இருந்த பெண் ஒருவர், மற்றொரு பெண்ணின் கை பையை திறக்க முயன்றுள்ளார். அப்போது அங்கு பாதுகாப்பிற்கு இருந்த போலீஸார், பையை திறந்து செல்போனை திருடும்போது கையும் களவுமாக பிடித்தனர்.

05:16:57 on 12 Dec

நாளை இரவு மற்றும் நாளை மறுநாள் காலையில் லேசான மழைக்கு வாய்ப்பு இருப்பதாக எண்ணியிருந்த நிலையில் தற்போது காணப்படும் விஷயங்கள் கனமழை பெய்யும் வாய்ப்பை ஏற்படுத்தியிருப்பதாகவே கருதப்படுவதாக தமிழ்நாடு வெதர்மேன் தெரிவித்துள்ளார்.

05:13:41 on 12 Dec

ஈரோடு உழவா் சந்தையில் கிலோ ரூ.160-க்கு விற்பனையான பெரியவெங்காயம், இன்று கிலோ ரூ.120-க்கு விற்பனையானது. கிலோ ஒன்றுக்கு ரூ.40 வரை விலை சரிந்துள்ளது. இதே போல தினசரி சந்தையிலும் கிலோ ஒன்றுக்கு சராசரியாக ரூ.50 வரை சரிந்து அதிகபட்சம் கிலோ ரூ.110-க்கு விற்பனையாகி வருகிறது.

05:10:00 on 12 Dec

காங்கிரஸ், தனது டுவிட்டர் பக்கத்தில் மோடியின் டுவிட்டைக் கிண்டல் அடித்துள்ளது. இது குறித்து காங்கிரஸ், ”அசாமில் உள்ள சகோதர, சகோதரிகள் உங்கள் 'உறுதியளிக்கும்' செய்தியைப் படிக்க முடியாது. மோடி அவர்களே, அவர்களின் இணையம் துண்டிக்கப்பட்டதை நீங்கள் மறந்திருக்கலாம்” என கிண்டல் செய்து பதிவிட்டுள்ளது.

05:07:40 on 12 Dec

ஆப்பிரிக்கா கண்டத்தில் மேற்குப் பகுதியில் அமைந்துள்ள நாடு நைஜர். இந்நிலையில் மாலி நாட்டின் எல்லைக்கு அருகே உள்ள இனேட்ஸ் நகரில், நைஜர் ராணுவத்தினர் முகாமிட்டிருந்தனர். இந்த முகாமிற்குள் புகுந்த பயங்கரவாதிகள் அங்கிருந்த ராணுவ வீரர்கள் மீது தாக்குதல் நடத்தினர். இந்த தாக்குதலில் 73 நைஜர் ராணுவ வீரர்கள் பலியாகினர்.

05:06:47 on 12 Dec

சென்னை ஐ.ஐ.டி. முன் போராட்டம் நடத்த முயன்ற கேம்பஸ் பிரண்ட் ஆப் இந்தியா அமைப்பினர் கைது செய்யப்பட்டுள்ளனர். ஐ.ஐ.டி. மாணவி பாத்திமா மரணத்துக்கு காரணமான பேராசிரியரை உடனே கைது செய்ய வலியுறுத்தி அந்த அமைப்பினர் போராட்டம் நடத்த முயன்றனர்.

04:59:06 on 12 Dec

அனைத்து தொலைத்தொடர்பு நிறுவனங்களின் கட்டணங்கள் உயர்த்தப்பட்டுள்ள நிலையில், ஜியோ தனது 6 பைசா கட்டணத்தை திரும்பி பெறாமல் செயல்பாட்டில் வைத்துள்ளது. அதனைத்தொடர்ந்து அதன் துவக்க சலுகையை ரூ.49-ல் இருந்து ரூ.75 ஆக உயர்த்தியுள்ளது. மேலும் புதிய சலுகைகளையும் அறிமுகம் செய்துள்ளது.

04:57:01 on 12 Dec

அயோத்தி தீர்ப்பை மறுஆய்வு செய்யக்கோரி உச்சநீதிமன்றத்தில் 18 சீராய்வு மனுக்கள் தாக்கல் செய்யப்பட்டு இருந்தன. இதனை விசாரித்த உச்சநீதிமன்ற தலைமை நீதிபதி எஸ்.ஏ.பாப்டே தலைமையிலான 5 நீதிபதிகள் கொண்ட அமர்வு 18 மனுக்களையும் தள்ளுபடி செய்து உத்தரவிட்டுள்ளது.

04:50:59 on 12 Dec

திமுகவிலிருந்து விலகுவதாக பழ.கருப்பையா அறிக்கை வெளியிட்டுள்ளார். இது குறித்து அவர், கழகத்தின் நிகழ்கால நடவடிக்கைகள், ஒரு கார்ப்பரேட் நிறுவனம் போல கட்சியை நடத்துகிற விதம், அறிவும், நேர்மையும் பின்னுக்கு தள்ளப்பட்டு பணமே எல்லாம் என கருதுகிற தன்மை, இவையெல்லாம் என்னிடம் மிகப்பெரிய சலிப்பை உண்டாக்கின.” என தெரிவித்துள்ளார்.

04:27:01 on 12 Dec

பாரத் பெட்ரோலியம் நிறுவனத்தை தனியாருக்கு விற்க மோடி அரசு முயற்சி மேற்கொண்டு வருகிறது. பங்கு மதிப்பின் படி, தனியாருக்கு ரூ.74 ஆயிரம் கோடிக்கு மட்டுமே மத்திய அரசால் விற்பனை செய்ய முடியும். அதன் வெளிச்சந்தை மதிப்பை கணக்கிட்டால் அரசுக்கு 4 லட்சத்து 46 ஆயிரம் கோடி ரூபாய் இழப்பு ஏற்படும்.

03:57:01 on 12 Dec

நித்தியானந்தாவின் கைலாசா என்ற தனி நாடு, கானல் நீர் ஆன நிலையில், கைலாசா நாட்டிற்கு டிக்கெட் அனுப்பி வைத்தால் குடும்பத்துடன் சென்று வருவேன் என்று எஸ்.வி.சேகர் தெரிவித்துள்ளார். அதே நேரத்தில் இந்து மதத்தின் பெயரை கெடுக்கும் வகையில் பிதற்றுவதை நித்தியானந்தா, நிறுத்திக் கொள்ள வேண்டும் என்று மாணிக்கானந்தா எச்சரித்துள்ளார்.

03:25:02 on 12 Dec

மிசோரம் மாநிலத்தைச் சேர்ந்த நெங்குலுன் ஹேங்கால், மாநில அளவிலான கைப்பந்து சாம்பியன்ஷிப் போட்டியில் கலந்துகொண்டு விளையாடி வருகிறார். அவர் தனது 7 மாத கைக்குழந்தையுடன் போட்டிக்கு வந்திருந்தார். போட்டியின் சிறிது இடைவேளையின் போது பசியால் துடித்த தனது 7 மாத கைக்குழந்தைக்கு அவர் தாய்ப்பால் வழங்கியம் படம் வைரலானது.

02:57:02 on 12 Dec

2015 முதல் 2017ஆம் ஆண்டுகள் வரை குற்றச்சம்பவங்கள் தொடர்பான புள்ளி விவரங்களை தேசிய குற்ற ஆவண காப்பகம் வெளியிட்டுள்ளது. இந்தியாவிலேயே மத்திய பிரதேச மாநிலத்தில் தான் அதிக பாலியல் வன்கொடுமை சம்பவங்கள் நிகழ்ந்துள்ளது என தெரிவிக்கப்பட்டுள்ளது. இந்தியாவிலேயே தமிழகத்தில் தான் பாலியல் வன்கொடுமை சம்பவங்கள் குறைவாக நிகழ்ந்துள்ளது.

02:27:01 on 12 Dec

அமெரிக்காவில் தேசப்பாதுகாப்புக்கு அச்சுறுத்தலாக இருந்ததாகக் கூறி 9 ஆயிரத்திற்கும் மேற்பட்ட இந்தியர்கள் கைது செய்யப்பட்டுள்ளதாக அந்நாடு தெரிவித்துள்ளது. இவர்களில் 831 பேர் நாடு கடத்தப்பட்டுள்ளதாகவும், மேலும் பலர் தடுப்புக் காவலில் வைக்கப்பட்டுள்ளதாகவும் அந்நாடு கூறியுள்ளது.

01:57:01 on 12 Dec

பிரதமர் மோடி இன்று காலை வெளியிட்ட ட்விட்டர் பதிவில், ”குடியுரிமை மசோதா நிறைவேற்றப்பட்டது குறித்து அசாமில் உள்ள சகோதர, சகோதரிகள் கவலைப்பட வேண்டிய அவசியமில்லை என உறுதி அளிக்கிறேன். உங்களின் உரிமைகள், தனிப்பட்ட அடையாளம், அழகிய கலாச்சாரம் ஆகியவற்றை யாரும் பறிக்க முடியாது.” என குறிப்பிட்டுள்ளார்.

01:27:01 on 12 Dec

சூப்பர் ஸ்டார் ரஜினிகாந்த் பிறந்தநாளையொட்டி டிவிட்டரில் ரஜினி ஹேஷ்டேக்குகள் ட்ரெண்டாகி வருகின்றன. ரஜினி பிறந்த நாளுக்காக அதற்காக உருவாக்கப்பட்ட #HBDThalaivarSuperstarRAJINI என்ற ஹேஷ்டேக் உலக அளவில் ட்ரெண்டாக்கப்பட்டு வருகிறது.

12:57:01 on 12 Dec

திருச்சியில் சிறுமிகளின் ஆபாச வீடியோகளை சமூக ஊடகங்களில் வெளியிட்ட கிறிஸ்டோபர் அல்போன்ஸ் என்பவரை பாலக்கரை போலீஸார் கைது செய்துள்ளனர். சிறுமிகளின் ஆபாச வீடியோ தொடர்பாக கிறிஸ்டோபர் அல்போன்ஸ் தமிழகத்தில் முதல் கைது என்பது குறிப்பிடத்தக்கது.

12:27:01 on 12 Dec

அசாம் மற்றும் திரிபுராவில் நடைபெறவிருந்த ராஞ்சி கோப்பை கிரிக்கெட் போட்டிகள் ரத்து செய்யப்பட்டுள்ளன. குடியுரிமை மசோதாவுக்கு எதிராக தொடர் போராட்டங்கள் நடைபெற்று வரும் நிலையில் கிரிக்கெட் போட்டிகள் ரத்து செய்யப்பட்டுள்ளன.

12:11:32 on 12 Dec

பதவி நீக்க விசாரணையை நடத்தி வரும் ஜனநாயக கட்சியினரை அச்சுறுத்தும் தோனியில் அமெரிக்க அதிபர் டிரம்பை, ஹாலிவுட் திரைப்படமான ‘அவெஞ்சர்ஸ்’ படத்தின் வில்லன் தானோஸ் போல் சித்தரித்து, டிரம்பின் பிரசார குழு வீடியோ ஒன்றை டுவிட்டரில் வெளியிட்டு உள்ளது.

11:55:01 on 12 Dec

கடலூர் மாவட்டம் வேப்பூர் அருகே பிஞ்சனுர் ஊராட்சி தலைவர் பதவி ரூ.16 லட்சத்துக்கு ஏலம் விடப்பட்டதாக தகவல் அளித்தனர். சேகர் என்பவரை பிஞ்சனுர் ஊராட்சி மன்றத் தலைவராக தேர்ந்தெடுத்து ஊர்க்கூட்டத்தில் தீர்மானம் நிறைவேற்றப்பட்டது.

11:35:52 on 12 Dec

நடிகர் ரஜினிகாந்த்திற்கு இன்று 70வது பிறந்தநாள். 1975ஆம் ஆண்டு அபூர்வ ராகங்கள் படத்தின் மூலம் தொடங்கிய இவரது திரையுலகப் பயணம் இன்று வரை வெற்றிக்கொடி கட்டிப் பறக்கிறது. தமிழ் மட்டுமின்றி மலையாளம், கன்னடம், தெலுங்கு, இந்தி மற்றும் ஆங்கிலம் உள்ளிட்ட மொழிகளில் 167 படங்களில் நடித்துள்ளார் ரஜினிகாந்த்.

11:27:01 on 12 Dec

குடியுரிமை சட்டத் திருத்த மசோதா அறிவிக்கப்பட்ட உடனேயே அசாம் மாநிலத்தில் தொடங்கிய மக்களின் போராட்டம் வன்முறையாக மாறி வருகிறது. வரும் ஞாயிறு அன்று இந்தியப் பிரதமர் மோடி மற்றும் ஜப்பான் பிரதமர் ஷீன்ஷோ அபி ஆகியோர் சந்திப்பதற்கான அமைக்கப்பட்ட மேடை மற்றும் விளம்பர பதாகைகளை போராட்டக்காரர்கள் சேதப்படுத்தினர்.

10:57:02 on 12 Dec

விருதுநகர் மாவட்டம் கோட்டைப்பட்டியில் ஊராட்சித் தலைவர் பதவியை ஏல ஆலோசனையை தட்டிக் கேட்ட சதீஷ்குமாரை கூட்டம் நடத்தியவர்கள் அடித்துக்கொன்றனர். இது குறித்து வழக்குப்பதிவு செய்த காவல்துறையினர், இளைஞர் கொலை தொடர்பாக ராமசுப்பு, முத்துராஜ், செல்வராஜ் உட்பட ஐந்து பேரை கைது செய்து விசாரணை நடத்தி வருகின்றனர்.

10:27:01 on 12 Dec

வெஸ்ட் இண்டீஸ் அணிக்கு எதிரான டி20 தொடரை அமர்க்களமாக கைப்பற்றியுள்ளது இந்திய அணி. இது குறித்து விராத் கோலி, ”முதலில் பேட்டிங் செய்து நாங்கள் வெற்றி பெற்றுள்ளோம் அது கூடுதல் மகிழ்ச்சி தருகிறது. எங்கள் இரண்டாவது திருமண நாளில் மிகச் சிறப்பாக செயல்பட முடிந்தது கூடுதல் மகிழ்ச்சி.” என்றார்.

09:57:01 on 12 Dec

அசாம் மாநிலத்தில் குடியுரிமை திருத்த மசோதாவுக்கு எதிர்ப்பு தெரிவித்து மக்கள் போராட்டம் நடத்தி வருகிறார்கள். லக்கிநகர் பகுதியில் உள்ள அசாம் முதல்வர் வீட்டின் மீது போராட்டக்காரர்கள் கல் வீசி தாக்கினர். அதேபோல், பாஜக எம்.எல்.ஏ பிரசந்தா புகான் மற்றும் கட்சி தலைவர் சுபாஷ் தத்தா ஆகியோரின் இல்லத்தையும் சேதப்படுத்தினர்.

09:38:51 on 12 Dec

அசாம் மாநிலத்தில் குடியுரிமை திருத்த மசோதாவுக்கு எதிர்ப்பு தெரிவித்து மக்கள் போராட்டம் நடத்தி வருகிறார்கள். லக்கிநகர் பகுதியில் உள்ள அசாம் முதல்வர் வீட்டின் மீது போராட்டக்காரர்கள் கல் வீசி தாக்கினர். அதேபோல், பாஜக எம்.எல்.ஏ பிரசந்தா புகான் மற்றும் கட்சி தலைவர் சுபாஷ் தத்தா ஆகியோரின் இல்லத்தையும் சேதப்படுத்தினர்.

09:33:24 on 12 Dec

அரியலூர் மாவட்டம் விருத்தாச்சலம் அருகே உள்ள மகிமைபுரம் பகுதியில் 50 கிலோ எடை கொண்ட பெரிய வெங்காயம் 10 மூட்டைகளில் அழுகிய நிலையில் வீசப்பட்டுள்ளது. வெங்காய தட்டுப்பாடு தலைவிரித்து ஆடும் நிலையில் அதிக அளவு வெங்காயம் அழுகிய நிலையில் கொட்டப்பட்டுள்ளது அந்த பகுதி மக்களை அதிர்ச்சியில் ஆழ்த்தியுள்ளது.

09:17:20 on 12 Dec

தஞ்சாவூர் மாவட்டம் பாப்பாநாடு திருமங்கலக்கோட்டை ஊராட்சி மன்ற தலைவர் பதவி ரூ.35 லட்சத்துக்கு ஏலம் விடப்பட்டுள்ளது. ஊராட்சி மன்ற தலைவர் பதவி ரூ.35 லட்சத்துக்கு ஏலம் விடப்பட்டுள்ளதால் அப்பகுதியில் பரபரப்பு ஏற்பட்டுள்ளது.

09:14:39 on 12 Dec

பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.77.92 ஆகவும், டீசல் விலை லிட்டருக்கு ரூ.69.81 ஆகவும் நிர்ணயம் செய்யப்பட்டுள்ளது.

09:12:22 on 12 Dec

ஜார்க்கண்ட் மாநில சட்டசபைக்கு ஐந்து கட்டங்களாக தேர்தல் நடைபெற்று வருகிறது. இதில் இரண்டு கட்ட தேர்தல்கள் முடிவடைந்த நிலையில், மூன்றாம் கட்ட தேர்தலுக்கான வாக்குப்பதிவு 17 தொகுதிகளில் இன்று நடைபெற்று வருகிறது. வாக்கு எண்ணிக்கை டிச.23ஆம் தேதி நடைபெறுகிறது.

09:09:29 on 12 Dec

அயோத்தி தீர்ப்பை எதிர்த்து உச்ச நீதிமன்றத்தில் 18 சீராய்வு மனுக்கள் தாக்கல் செய்யப்பட்டு இருக்கின்றது. மொத்தம் தாக்கல் செய்யப்பட்டு இருக்கும் சீராய்வு மனுக்களில் ஒன்பது சீராய்வு மனுக்கள் மட்டும், வழக்கில் தொடர்புடையவர்களால் தாக்கல் செய்யப்பட்டவை ஆகும். இந்த மனுக்கள் மீது இன்று விசாரணை நடைபெறுகிறது.

09:04:42 on 12 Dec

கிரீன் டீயினால் கிடைக்கும் பிரபலமான நன்மைகளுள் ஒன்றுதான் எடை குறைய உதவும் என்பது. இதில் உள்ள பாலீபீனால் என்னும் சத்து தான் உடல் எடையைக் குறைக்க உதவுகிறது. மேலும் மற்ற டீக்களை விட கிரின் டீயில் தான் ஏராளமான கேட்டசின்கள் உள்ளன. உடல் எடையைகுறைக்க முயல்பவர்களுக்கு சிறந்த நிவாரணமாக இருக்கிறது.

08:55:01 on 12 Dec

Vivo X30 Pro கேமரா விவரக்குறிப்புகள் சீனாவில் ஒரு டிப்ஸ்டரால் கசிந்துள்ளன. Vivo X30 Pro-வின் அதிகாரப்பூர்வ அறிமுகத்திற்கு சில நாட்களுக்கு முன்னரே சில விவரங்கள் கசிந்தன. இது Vivo X30 உடன் அறிமுகமாகும், ஸ்மார்ட்போனில் குவாட் ரியர் கேமரா அமைப்பு - 64-megapixel முதன்மை சென்சார் கொண்டதாகக் கூறப்படுகிறது.

07:55:01 on 12 Dec

மிச்சிகனில் உள்ள கார்சன் நகரத்தை சேர்ந்த ஐடன் அட்கின்ஸ் தனது காதலிக்கு அழகான ஒரு பரிசளிக்க விரும்பினார். அதனால் தனது கையினாலேயே மரப்பொம்மை ஒன்றை செய்து பரிசளிக்க திட்டமிட்டார். பொம்மையை முழுவதுமாக செதுக்கி முடிக்கும் போது தான் அந்த விபரீதம் நடந்தது.

06:55:01 on 12 Dec

ஆஸ்திரேலியாவின் நியூ சௌத் வேல்ஸ் மற்றும் குயின்ஸ்லாந்து பகுதிகளில் கடந்த மாதம் மட்டும் நூற்றுக்கும் மேற்பட்ட காட்டுத்தீ விபத்துகள் ஏற்பட்டன. அந்தத் தீ விபத்துகளில் பல இன்னும் கூட கட்டுக்குள் கொண்டுவரப்படவில்லை. இதனால் ஆஸ்திரேலியாவின் அழகான கோலாக் கரடிகள் தற்போது ஆபத்தான நிலையில் உள்ளன.

05:55:01 on 12 Dec

நாட்டின் முதன்மை கடன் வழங்குனரான ஸ்டேட் பேங்க் ஆப் இந்தியாவின் வாராக்கடன் அளவு கடந்த மார்ச் 2019ஆம் ஆண்டுடன் முடிவடைந்த காலாண்டில், ரிசர்வ் வங்கியின் கணிப்பை விட 11,932 கோடி ரூபாய் குறைந்துள்ளது என அவ்வங்கி பங்கு சந்தைக்கு அளித்துள்ள அறிக்கையில் தெரிவித்துள்ளது.

10:55:01 on 11 Dec

சவுதி அரேபிய அரசுக்கு சொந்தமான உலகின் மிகப் பெரிய எண்ணெய் உற்பத்தி நிறுவனமான சவுதி அரம்கோ, சமீபத்தில் தனது நிறுவனத்தின் பங்குகளை முதல் முறையாக விற்பனை செய்தது. இதன் பங்குகள் இன்று (புதன்கிழமை) அந்நாட்டு பங்குச்சந்தையில் பட்டியலிடப்பட்டு வணிகத்துக்கு வந்தபோது, 25.6 பில்லியன் டாலர்களை திரட்டி பெரும் சாதனை படைத்துள்ளது.

09:55:01 on 11 Dec

தமிழகத்தில் டிசம்பர் 27, 30 ஆகிய தேதிகளில் இருகட்டங்களாக ஊரக உள்ளாட்சி அமைப்புகளுக்கு மட்டும் தேர்தல் நடைபெறுகிறது. இதற்கான வேட்புமனு தாக்கல் நடைபெற்று வருகிறது. வேட்புமனு தாக்கல் செய்ய டிசம்பர் 16ஆம் தேதி கடைசி நாள் ஆகும்.

08:55:02 on 11 Dec

கேரள மாநிலம், கோட்டயம் மாவட்டம் சங்கானாச்சேரியை சேர்ந்தவர் பிரேம்குமார். இவரது மனைவி வித்யா. இவர்கள் இருவரும் திருப்பணித்துறா பகுதியில் ஒரு வாடகை வீட்டில் வசித்து வந்தனர். கடந்த செப்டம்பர் மாதம் 22ஆம் தேதி மனைவி வித்யாவை காணவில்லை என்று பிரேம் குமார் உதயம்பேரூர் போலீசில் புகார் செய்தார்.

08:25:02 on 11 Dec

சிறுமிகள் மற்றும் ஆண்களைக் கூட நித்தியானந்தா தனது சல்லாபத்துக்கு பயன்படுத்துவார் என்று நித்தியானந்தா ஆசிரமத்தில் நடக்கும் லீலைகளை போட்டு உடைக்கிறார் நித்தியின் செயலாளர் ஜனார்த்தன சர்மா.

07:55:02 on 11 Dec

பெண்களின் மேக்-அப் லிஸ்ட்டில் தவறாமல் இடம்பெறுவது `லிப்ஸ்டிக்'. எந்தவித மேக்-அப்பும் இல்லாமல், பொருத்தமான நிறத்தில் லிப்ஸ்டிக்கை போட்டுக்கொண்டாலே போதும்... பளிச் தோற்றம் நிச்சயம். இன்னொரு பக்கம், லிப்ஸ்டிக் போடும் வழக்கம் உள்ள பெண்களுக்கு சில பிரச்னைகளும் உண்டு.

07:25:01 on 11 Dec

நித்தியானந்தா இருக்கும் இடம் குறித்த தகவலை வரும் 12ஆம் தேதிக்குள் தெரிவிக்க வேண்டும் என்று போலீசாருக்கு, கர்நாடக உயர்நீதிமன்றம் உத்தரவிட்டுள்ளது. அவர்கள் தொடர்ந்து விசாரணை என்ற பெயரில் கையை பிசைந்து வரும் நிலையில், நித்தியானந்தா மட்டும் யூடியூபில் வீடியோக்களை வெளியிட்டு உச்சக்கட்ட பரபரப்பை ஏற்படுத்தி வருகிறார்.

06:55:02 on 11 Dec

குடியுரிமை திருத்த மசோதாவுக்கு எதிராக வடகிழக்கு மாநிலங்களில் போராட்டம் தீவிரம் அடைந்ததை தொடர்ந்து திரிபுராவில் மட்டும் 5 ஆயிரம் துணை ராணுவத்தினர் குவிக்கப்பட்டுள்ளனர். கஞ்சான்பூர் மற்றும் மனு ஆகிய பகுதிகளில் 2 கம்பெனிப் படைகள் நிறுத்தப்பட்டுள்ளன. அசாமின் பொங்கைகானிலும் பாதுகாப்பு படையினர் தயார் நிலையில் உள்ளனர்.

06:35:21 on 11 Dec

தமிழ்ப்படம் 2 படத்துக்கு அடுத்ததாக சுமோ என்கிற படத்தில் நடித்துள்ளார் சிவா. சிவா கதாநாயகனாக மட்டுமல்லாமல் கதாசிரியராகவும் இப்படத்தில் பணிபுரிந்துள்ளார். எஸ்.பி. ஹோசிமின் இயக்கியுள்ளார். ப்ரியா ஆனந்த் கதாநாயகியாக நடித்துள்ள இப்படத்தில் ஜப்பானைச் சேர்ந்த முன்னாள் சுமோ மல்யுத்த வீரர் யோஷினோரி தஷிரோவும் பங்குபெற்றுள்ளார்.

06:25:02 on 11 Dec

கடலூர் முதுநகர் பகுதியில் பக்தவச்சலம் மார்க்கெட்டு முன்பு கடலூர்- சிதம்பரம் சாலையில் வேலு என்பவர் 25 வெங்காய மூட்டைகளை இறக்கி 1 கிலோ வெங்காயம் ரூ.10-க்கு கிடைக்கும் என்று பதாகையில் எழுதி வைத்திருந்தார். இதனை அறிந்ததும் பொதுமக்கள் போட்டிபோட்டு வாங்கினர். ஒருகட்டத்தில் பொதுமக்கள் இடையே தள்ளு முள்ளு ஏற்பட்டது.

05:57:01 on 11 Dec

வெங்காயத்தின் விலை இறக்கை கட்டி பறக்கும் நிலையில், அரிசி, கோதுமை, தானியங்கள், பருப்பு, எண்ணெய்,தேயிலை, சர்க்கரை பால், உருளைக்கிழங்கு, தக்காளி உள்ளிட்ட அத்தியாவசியப் பொருள்களின் விலையும் படிப்படியாக உயர்ந்துள்ளதாக. மத்திய உணவு மற்றும் பொது விநியோகத்துறை அமைச்சர் ராம் விலாஸ் பாஸ்வான் மக்களவையில் தெரிவித்துள்ளார்.

05:27:01 on 11 Dec

குஜராத் சட்டப்பேரவையில் நானாவதி கமிஷன் இறுதி அறிக்கை இன்று தாக்கல் செய்யப்பட்டது. அதில், கோத்ரா ரயில் எரிப்புச் சம்பவத்தை தொடர்ந்து நடந்த கலவரம் திட்டமிட்டு நடந்தது அல்ல என்றும், கலவரத்தில் அப்போதைய முதல்வர் நரேந்திர மோடிக்கு பங்கு ஏதுமில்லை எனவும் தெரிவிக்கப்பட்டுள்ளது.

04:57:01 on 11 Dec

திருச்சியில் பன்றி இருக்கும் இடத்தைக் காட்டியதால் 12 வயது சிறுவன் அடித்து கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. இந்த கொலைச் சம்பவம் தொடர்பாக அரியமங்கலம் வீராச்சாமி, லோகேஷ், சரவணன், கணேசன் ஆகிய 4 பேரை போலீசார் கைது செய்து உள்ளனர்.

04:25:01 on 11 Dec

அ.தி.மு.க திட்டப்படி உள்ளாட்சித் தேர்தல் நடந்தால், தி.மு.க உள்ளிட்ட எதிர்க்கட்சிகளின் பாடு திண்டாட்டம்தான். தேர்தலைப் பிரித்துப் பிரித்து நடத்துவதால், வைட்டமின் 'ப'வைக் களமிறக்குவது அ.தி.மு.க-வுக்கு எளிது. கிட்டத்தட்ட இடைத்தேர்தல் பாணிதான் இது. இதனால், ஆளுங்கட்சியே பெரும்பான்மையான உள்ளாட்சிப் பதவிகளைக் கைப்பற்றிவிடும்.

03:57:01 on 11 Dec

ரிசாட்-2 பிஆர் 1 மற்றும் 9 வணிக ரீதியான செயற்கைகோளை சுமந்துகொண்டு பிஎஸ்எல்வி-சி48 ராக்கெட் இன்று வெற்றிகரமாக விண்ணில் பாயந்துள்ளது. இதன் ஆயுட்காலம் 5 ஆண்டுகள். இது, புவிகண்காணிப்பு, விவசாய மேம்பாடு, காடுகள் கண்காணிப்பு மற்றும் வளம், பேரிடர் மேலாண்மை உள்ளிட்ட பணிகளுக்கு பயன்படும்.

03:52:21 on 11 Dec

நெல்லையை சேர்ந்த ரஜினிகாந்தின் தீவிர ரசிகரான திருமாறன் என்பவர், ரஜினி கன்னடர் இல்லை, தமிழர் தான் என்று அடித்து கூறுகிறார். மேலும் இதை நிரூபிக்கும் ஆதாரங்களை திரட்டும் பணியில் இறங்கியுள்ளார். மேலும் அவர் 3 நாள் பயணமாக ரஜினியின் உறவுகளையும் சந்தித்துள்ளாராம்.

03:27:01 on 11 Dec

குடியுரிமை திருத்த மசோதாவுக்கு அதிமுக ஆதரவு அளித்துள்ளது குறித்து நடிகர் சித்தார்த், ”எடப்பாடி பழனிசாமி என் மாநிலத்துக்கும் நம்மக்களுக்கும் பிரதிநிதியாக இருக்கிறார் என்பது மிகவும் வெட்கமாக இருக்கிறது. என்ன நடந்தாலும் தன்னுடைய பதவியே முக்கியம் என்ற அதிகார பசியும் வெளிப்பட்டுள்ளது.” என கடுமையாக விமர்சித்துள்ளார்.

02:57:01 on 11 Dec

உள்ளாட்சித் தேர்தல் தொடர்பாக திமுக, மதிமுக உட்பட 5 கட்சிகள் மற்றும் வாக்காளர் தரப்பில் உச்ச நீதிமன்றத்தில் வழக்குத் தொடரப்பட்டது. அந்த வழக்குகள் அனைத்தையும் இன்று விசாரித்த உச்சநீதிமன்றம், 2011 மக்கள்தொகை கணக்கெடுப்பின் அடிப்படையில் உள்ளாட்சி தேர்தலை நடத்த வேண்டும் என்று உத்திரவிட்டுள்ளது.

02:27:02 on 11 Dec

தமிழகத்தில் அடுத்த 24 மணி நேரத்தில் ஓரிரு இடங்களில் லேசான மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. மேலும் சென்னையில் ஒருசில இடங்களில் லேசான மழை பெய்யக்கூடும் என வானிலை மையம் கூறியுள்ளது.

01:57:01 on 11 Dec

தமிழ்நாடு சடுகுடு பிரிமீயா் லீக் 2020 போட்டிகளுக்கான 8 அணிகளுக்கு 120 வீரா்களைத் தேர்வு செய்யும் முகாம் திருச்சியில் வரும் 14, 15 ஆகிய தேதிகளில் நடைபெறுகிறது. இந்த லீக் போட்டியானது திருப்பூா், கோவை, சென்னை, மதுரை, சேலம் ஆகிய 5 ஊா்களில் நடத்தப்படவுள்ளது.

01:27:02 on 11 Dec

திருச்செந்தூர் முருகன் கோவிலுக்குச் சென்ற நயன்தாரா, காதலர் விக்னேஷ் சிவனுடன் முருகனைத் தரிசித்தார். அப்போது, நயன்தாராவை எதேச்சையாகச் சந்தித்த முன்னாள் எம்.பி-யும் பி.ஜே.பி தலைவர்களுள் ஒருவருமான நரசிம்மன், பி.ஜே.பி-யில் இணைய நயன்தாராவுக்கு அழைப்பு விடுத்திருப்பதாகத் தகவல் பரவியுள்ளது.

12:57:01 on 11 Dec

ஆந்திர பிரதேசத்தில் ரேஷன் குடும்ப அட்டையில் இயேசு உருவம் அச்சிடப்பட்ட புகைப்படம் ஒன்று சமூக வலைதளங்களில் பரவி வருகிறது. அமராவதி பகுதியைச் சேர்ந்த தெலுங்கு தேசம் கட்சியின் உறுப்பினர் ஒருவர், ரேஷன் குடும்ப அட்டையில் இயேசு புகைப்படத்தை அச்சிட்டு, அதை சமூக வலைதளங்களில் பரப்பியுள்ளார்.

12:27:01 on 11 Dec

மக்கள் குடியுரிமை சட்டத் திருத்த மசோதாவுக்கு எதிராக அசாம், திரிபுரா உள்ளிட்ட வடகிழக்கு மாநிலங்களைச் சேர்ந்த மக்கள் தொடர்ச்சியாகப் போராட்டங்களில் ஈடுபட்டு வருகின்றனர். திரிபுரா மாநிலத்தில் 48 மணி நேரத்துக்கு இணையச் சேவை துண்டிக்கப்பட்டுள்ளது.

11:57:02 on 11 Dec

குடியுரிமை சட்ட திருத்த மசோதா குறித்து, சர்வதேச மத சுதந்திரத்திற்கான அமெரிக்க ஆணையம் வெளியிட்டுள்ள அறிக்கையில், இந்த மசோதா இது இரு சபைகளிலும் நிறைவேற்றப்பட்டால், உள்துறை அமைச்சர் அமித் ஷா மற்றும் முதன்மை தலைவர்கள் மீது, அமெரிக்க அரசு தடை கொண்டுவர வேண்டும் என்றும் தெரிவிக்கப்பட்டுள்ளது.

11:27:01 on 11 Dec

2,000 ரூபாய் நோட்டு தொடர்ந்து புழக்கத்தில் இருக்கும் என மத்திய அரசின் சார்பில் நிதித்துறை ராஜாங்க மந்திரி அனுராக் தாக்குர் தெரிவித்துள்ளார். மேலும் அவர், ”இதுதான் (ரூபாய் நோட்டு மதிப்பிழப்பு நடவடிக்கை) இப்போது உருவாகி உள்ள உண்மையான கவலையாக அமைந்துள்ளது. இதற்காக நீங்கள் கவலைப்பட தேவையில்லை என்று கருதுகிறேன்.” என்றார்.

10:25:01 on 11 Dec

அமெரிக்காவின் நியூஜெர்சி மாகாணத்தில் ஹட்சன் ஆற்றுப்பகுதியை ஒட்டி பல்பொருள் அங்காடி உள்ளது. இந்த பல்பொருள் அங்காடிக்குள் நடந்த துப்பாக்கிச்சூட்டில், போலீஸ் அதிகாரி உள்பட 6 பேர் பலியாகினர். பலியானவர்களில் 3 பேர் அப்பாவி பொதுமக்கள் ஆவர்.

09:55:01 on 11 Dec

மகாகவி பாரதியாரின் 138வது பிறந்தநாள் இன்று கொண்டாடப்படுகிறது. பெண் விடுதலை, சாதி ஒழிப்பு, மீனவர் பிரச்சினை, இலங்கை மலையகத் தமிழர் துன்பங்கள், இதழியல், கேலிச்சித்திரம் என தமது காலத்திற்கு முன்னே சென்று சிந்தித்த பாரதி இன்றும் தமிழக மக்களுக்கு ஒரு அழியா சொத்துதான்.

09:27:02 on 11 Dec

திருநெல்வேலியில் செயல்பட்டு வரும் இஸ்ரோ விண்வெளி ஆராய்ச்சி மையத்தின் உந்துவிசை வளாகத்தில் காலியாக உள்ள பல்வேறு தொழில்பழகுநர் பணியிடங்களை நிரப்புவதற்கான அறிவிப்பு வெளியிடப்பட்டுள்ளது. இதற்கு விருப்பம் உள்ளவர்கள் இளைஞர்கள் டிசம்பர் 14ஆம் தேதி முதல் நடைபெறவுள்ள நேர்முகத் தேர்வில் பங்கேற்று பயனடையவும்.

08:57:01 on 11 Dec

சென்னையில் பாஜக அலுவலத்துக்குள் பெண் ஒருவர் அத்துமீறி நுழைய முயன்றதால் பரபரப்பு ஏற்பட்டுள்ளது. பாதுகாப்பு பணியில் இருந்த போலீசார், இளம்பெண்ணை பிடித்து தனியார் காப்பகத்தில் ஒப்படைத்துள்ளனர். மேலும் பாஜக அலுவலகத்துக்குள் நுழைய முயன்றவர், ராஜபாளையத்தைச் சேர்ந்த காவியா என்று போலீசார் விசாரணையில் தெரிய வந்துள்ளது.

08:48:59 on 11 Dec

கடலூர் உழவர் சந்தையில் ஐந்து கிலோ வெங்காயம் 100 ரூபாய்க்கு விற்பனை செய்யப்படுகிறது. கடலூரில் நேற்று 4 கிலோ வெங்காயம் 100 ரூபாய்க்கு விற்பனை செய்யப்பட்டு வந்த நிலையில் வேலும் விலை குறைந்துள்ளது.

08:47:01 on 11 Dec

சென்னை கோயம்பேடு மார்க்கெட்டில் பெரிய வெங்காயம் மற்றும் சின்ன வெங்காயம் கிலோ தலா 130 ரூபாய்க்கு விற்பனை செய்யப்படுகிறது. எகிப்தில் இருந்து வெங்காயம் சென்னைக்கு இறக்குமதி செய்யப்பட்டுள்ளதால் வெங்காயத்தின் விலை குறைந்துள்ளது.

08:44:48 on 11 Dec

இன்றைய பெட்ரோல் விலை லிட்டருக்கு ரூ.77.97 ஆகவும், டீசல் விலை லிட்டருக்கு ரூ.69.81ஆகவும் உள்ளது. நேற்றைய விலையில் இருந்து மாற்றமின்றி இன்றும் அதே விலையில் பெட்ரோல் விலை தொடர்கின்றது.

08:42:37 on 11 Dec

நேபாளத்தில் நடைபெற்றுவந்த தெற்காசிய விளையாட்டுப் போட்டி நிறைவடைந்த நிலையில், இந்தியா 174 தங்கப் பதக்கங்களுடன் 312 பதக்கங்களை வென்று சாதனை படைத்துள்ளது. 1984இல் தெற்காசிய போட்டிகள் தொடங்கியதில் இருந்து பதக்கப் பட்டியலில் தொடர்ந்து முதலிடத்தை வகித்த போதிலும், தற்போதுதான் இந்தியா அதிகப் பதக்கங்களை வென்றுள்ளது.

08:37:48 on 11 Dec

நேபாளத்தில் நடைபெற்றுவந்த தெற்காசிய விளையாட்டுப் போட்டி நிறைவடைந்த நிலையில், இந்தியா 174 தங்கப் பதக்கங்களுடன் 312 பதக்கங்களை வென்று சாதனை படைத்துள்ளது. 1984இல் தெற்காசிய போட்டிகள் தொடங்கியதில் இருந்து பதக்கப் பட்டியலில் தொடர்ந்து முதலிடத்தை வகித்த போதிலும், தற்போதுதான் இந்தியா அதிகப் பதக்கங்களை வென்றுள்ளது.

08:34:33 on 11 Dec

ரெட்மி கே30 ஸ்மார்ட்போன் சீனாவில் அறிமுகம் செய்யப்பட்டது. இது அந்நிறுவனம் ஏற்கனவே அறிமுகம் செய்த ரெட்மி கே20 ஸ்மார்ட்போனின் மேம்பட்ட மாடல் ஆகும். 5ஜி வசதி கொண்ட ரெட்மி கே30 ஸ்மார்ட்போனில் புகைப்படங்களை எடுக்க 64 எம்.பி. சோனி IMX686 சென்சார் வழங்கப்பட்டுள்ளது. இந்திய மதிப்பில் ரூ.20,140 என நிர்ணயம் செய்யப்பட்டுள்ளது.

07:55:01 on 11 Dec

2019ஆம் ஆண்டில் அதிகம் பேசப்பட்ட திரைத்துறையைச் சேர்ந்த பெண் ஆளுமைகள் பட்டியலை ட்விட்டர் வெளியிட்டுள்ளது. இதில் சோனாக்சி சின்கா முதலிடத்தை பிடித்துள்ளார். இரண்டாம் இடத்தை அனுஷ்கா சர்மா பிடித்துள்ளார். மூன்றாவது இடத்தை பாடகி லதா மங்கேஷ்கர் பிடித்துள்ளார்.

06:55:02 on 11 Dec

2019-ம் ஆண்டு ட்விட்டர் தளத்தில் சிறந்த விளையாட்டு அம்சங்கள் நிறைந்த விளையாட்டு வீரர், வீராங்கனைகளின் ட்விட்டர் பக்கங்களை ட்விட்டர் இந்தியா வெளியிட்டுள்ளது. அதில் வீரர்களில் கோலிக்கு முதலிடமும், தோனிக்கு இரண்டாம் இடமும் கிடைத்துள்ளது.

05:55:01 on 11 Dec

அமெரிக்காவில் கன்சாஸ் சிட்டியில் வசிக்கும் மேரி என்ற பெண் அனைவரையும் கட்டிப்பிடித்து உறங்க ஒரு மணி நேரத்திற்கு 5 ஆயிரம் ரூபாய் வரையில் வசூல் செய்கிறார். இதுகுறித்து அவர், ”இவ்வாறு கட்டிப்பிடித்து உறங்கினால், உடலில் இருந்து ஆக்சிடோசின் என்ற ஹார்மோன் வெளியாகிறது. இதனால் மன அழுத்தம் குறைகிறது” என்று தெரிவித்தார்.

10:57:01 on 10 Dec

நடிகை நித்யாமேனன், ”சிலர் என்னிடம் ஆபாசமாக பேசி தவறாக நடக்க முயற்சி செய்தனர். நான் விட்டு கொடுக்காமல், பெண்களிடம் கவுரவமாக நடக்க கற்றுக்கொள் என்று கடுமையாக கூறினேன். என்ன தவறு நடந்தாலும் அதை எதிர்ப்பதில் நமது பங்கும் இருக்க வேண்டும்.” என கூரியுள்ளார்.

09:57:01 on 10 Dec

துருவங்கள் பதினாறு திரைப்படத்தியடுத்து கார்த்திக் நரேன் இயக்கத்தில் வெளிவரவிருக்கும் ஆக்‌ஷன் த்ரில்லர் திரைப்படம் மாஃபியா : சாப்டர்-1. இப்படத்தில் முன்னணி கதாப்பத்திரங்களில் அருண் விஜய் மற்றும் பிரசன்னா நடித்துள்ளனர். பிரியா பவானி சங்கர் இப்படத்தில் கதாநாயகியாக நடித்துள்ளார்.

08:55:01 on 10 Dec

ஆசிட் வீச்சால் பாதிக்கப்பட்ட லட்சுமி அகர்வால் என்ற பெண்ணின் வாழ்க்கையை மையமாக வைத்து, "சபாக்" என்ற பெயரில், ஹிந்தியில் படம் தயாராகி வருகிறது. இந்த படத்தில் லட்சுமி கதாபாத்திரத்தில் நடிகை தீபிகா படுகோனே நடிக்கிறார். இந்தப் படத்தின் டிரைலர் வெளியாகியுள்ளது.

08:25:01 on 10 Dec

சினிமாவிற்குள் நுழைந்தவுடனேயே சரவணா ஸ்டோர்ஸ் அருண் சரவணனுக்கு ரசிகர் மன்றம் உருவாக்கப்பட்டுள்ளது. இந்த ரசிகர் மன்றத்தில் உறுப்பினர் சேர்க்கும் பணியும் நடைபெற்று வருவதாகவும், விருப்பம் உடையவர்கள் சம்பந்தப்பட்ட எண்ணை அணுகுமாறும் சென்னையில் ஆங்காங்கே போஸ்டர் அடித்து ஒட்டப்பட்டுள்ளது.

07:57:02 on 10 Dec

லோக்சபாவில் தாக்கல் செய்யப்பட்ட குடியுரிமை சட்ட மசோதாவிற்கு ஆதரவு தெரிவித்த சிவசேனா, தற்போது திருத்தம் செய்யவில்லை எனில் ராஜ்யசபாவில் ஆதரவு அளிக்க மாட்டோம் என 'பல்டி' அடித்துள்ளது.

07:27:01 on 10 Dec

ஒவ்வொரு வருடமும் உலகில் உள்ள ஊழல் நிறைந்த நாடுகளின் பட்டியலை டிரான்ஸ்பரன்சி இண்டர்நேஷனல் நிறுவனம் வெளியிட்டு வருகிறது. 2018ஆம் ஆண்டு கணக்கின் படி 180 நாடுகளில் இந்தியா 78 வது இடத்தில் இருக்கிறது. 2017ஐ காட்டிலும் ஊழல் குறைந்தே காணப்படுகிறது. ஆனால் ஆசிய நாடுகளை பொறுத்துவரை இந்தியா முதலிடத்தில் தான் உள்ளது,

06:55:01 on 10 Dec

சென்னையில் மூதாட்டிகளை குறி வைத்து திருடி வந்த ஆந்திராவை சேர்ந்த ஆட்டோ ராணிகளில் ஒருவரை தனிப்படை போலீசார் கைது செய்துள்ளனர். திருட்டை மட்டுமே தொழிலாக கொண்ட ஆட்டோ ராணிகளின் ஊரில் சிக்கிக் கொண்ட தமிழக போலீசார் ஒருவழியாக ஒருவரை மட்டும் சென்னைக்கு பிடித்து வந்துள்ளனர்.

06:25:01 on 10 Dec

டிடிவி தினகரனைப் பொதுச் செயலாளராகக் கொண்ட அம்மா மக்கள் முன்னேற்றக் கழகம், தேர்தல் ஆணையத்தால் முறைப்படி பதிவு செய்யப்பட்டிருக்கிறது. இந்தப் பதிவு வேறு யாரையும்விட அதிகமாக அதிர்ச்சியளித்திருப்பது அதிமுகவுக்கும் முதல்வர் எடப்பாடி பழனிசாமிக்கும்தான். சில அமைச்சர்கள் தினகரனுக்கு வாழ்த்துகளைத் தெரிவித்துள்ளார்கள்.

05:57:01 on 10 Dec

மத அடிப்படையில் குடியுரிமையில் முன்னுரிமையோ, பாகுபாடோ காட்டப்படுவது குறித்த விவாதம் ஒருபுறம் இருந்தாலும், இலங்கையின் சிங்கள - பௌத்த பேரின வாதத்தால் பாதிக்கப்பட்டு வெளியேறி அகதிகளாக இந்தியாவில் இருக்கும், இந்துக்களாக அடையாளம் காணப்படும் இலங்கைத் தமிழர்கள் ஏன் சேர்க்கப்படவில்லை என்ற கேள்வி பலராலும் முன்வைக்கப்படுகிறது.

05:27:01 on 10 Dec

எஸ்பிஐ வங்கி அதன் டெபிட் கார்டுகளை, வருகிற டிசம்பர் 31, 2019க்குள் ஈ.எம்.வி-சிப் கார்டிற்கு (EMV-chip Card) மாற்றிக்கொள்ளுமாறு அறிவுறுத்தியுள்ளது. எஸ்பிஐ வங்கி அதன் அனைத்து மேக்னட் ஸ்ட்ரைப் கார்டுகளை அட்டைகளையும் டிஆக்டிவேட் செய்யும் என்றும் எச்சரிக்கை விடுத்துள்ளது.

04:57:01 on 10 Dec

மதுரையைச் சோந்த மொத்த வியாபாரிகள் எகிப்து, துருக்கி உள்ளிட்ட நாடுகளில் இருந்து வெங்காயத்தை இறக்குமதி செய்துள்ளனா். இதில் கடந்த சில நாள்களுக்கு எகிப்தில் இருந்து கப்பல் மூலமாக வந்த 50 டன் வெங்காயம் லாரிகள் உள்ளிட்ட சரக்கு வாகனங்கள் மூலமாக மதுரைக்கு கொண்டு வரப்பட்டது

04:27:01 on 10 Dec

ஈஸ்வர் கைது செய்யப்படுவதற்கு சில தினங்கள் முன்பு, குடும்ப நண்பரும் காவல்துறையின் உயரதிகாரியுமான ஐ.ஜி சேஷசாயியைச் சந்தித்துப் பேசியுள்ளார், ஜெயஶ்ரீ. இதை வைத்தே `அந்தச் சந்திப்பின் தொடர்ச்சியே என் மீதான கைது நடவடிக்கை' என்றார் ஈஸ்வர்.

03:57:02 on 10 Dec

திருச்சி மாவட்டத்தில் ரஜினி மக்கள் மன்றத்தைச் சேர்ந்தவர்கள் சுயேச்சையாக போட்டியிட உள்ளதாக தகவல் வெளியானது. இதனைத் தொடர்ந்து ரஜினி மக்கள் மன்றத்தைச் சேர்ந்தவர்கள் யாரும் தேர்தலில் போட்டியிடவோ, யாருக்கும் ஆதரவாக வாக்குசேகரிக்கவோ கூடாது என்று அறிவுறுத்தப்பட்டுள்ளது.

03:27:01 on 10 Dec

இயக்குநர் ஷங்கரிடம் மீண்டும் விஜய்யுடன் பணியாற்றுவது எப்போது என எழுப்பப்பட்ட கேள்விக்கு “நானும் ரெடி; அவரும் ரெடி. எப்போது வேண்டுமானாலும் இணைந்து பணியாற்ற வாய்ப்புள்ளது. அதற்கு அறிவிப்பு விரைவில் வெளியாகும்” எனக் கூறியுள்ளார்.

02:57:02 on 10 Dec

திருவண்ணாமலை அருணாசலேஸ்வரர் கோவிலில் கார்த்திகை தீப திருவிழாவின் உச்ச கட்டமாக, 10வது நாளான இன்று மாலை 2,668 அடி உயர அண்ணாமலை உச்சியில் மகா தீபம் ஏற்றப்படுகிறது. தமிழகம் முழுவதும் இருந்தும், அண்டை மாநிலங்கள், வெளிநாடுகளில் இருந்தும் சுமார் 25 லட்சம் பக்தர்கள் திருவண்ணாமலையில் குவிந்துள்ளனர்.

02:35:16 on 10 Dec

குடியுரிமை சட்டத் திருத்த மசோதா மக்களவையில் நிறைவேற்றப்பட்டதைக் கண்டித்து வடகிழக்கு மாணவர்களின் அமைப்பான நெசோ (NESO) சார்பில் அஸ்ஸாமில் முழு அடைப்பு போராட்டம் நடைபெற்று வருகிறது. அங்கு சாலைகள் வெறிச்சோடி காணப்படுகின்றன. அஸ்ஸாமின் சோனித்பூர், லக்ஷிம்பூர் மாவட்டங்களில் 144 தடை உத்தரவு பிறப்பிக்கப்பட்டுள்ளது.

02:29:47 on 10 Dec

சபரிமலை மண்டல பூஜைக்காக நடை திறந்த கடந்த 16ஆம் தேதி முதல் இதுவரை கோயிலுக்கு கிடைத்த மொத்த வருமானம் ரூ.73 கோடி ஆகும். கடந்த வருடம் இதே காலத்தில் ரூ.35.76 கோடி வருமானம் கிடைத்தது. கடந்த ஆண்டு இடைக்கால கட்டத்தில் 43 கோடி ரூபாய் மட்டுமே கிடைத்த நிலையில் இந்த ஆண்டு அதன் அளவு ஏறக்குறைய இரட்டிப்பாக அதிகரித்துள்ளது.

02:27:02 on 10 Dec

மனைவியிடம் நான் உன்னுடைய தங்கையை விரும்புகிறேன் என்று கூறிய கணவனுக்கு விரும்பிய பெண்ணை மனைவியே திருமணம் செய்து வைத்த சம்பவம் பெரும் பரபரப்பை ஏற்படுத்தியுள்ளது. மத்திய பிரதேசம் மாநிலத்தில், பிந்த் என்ற மாவட்டம் உள்ளது. அங்கு நடந்த ஒரு திருமண விழாவில் இரு பெண்களை ஒரே மணமகன் திருமணம் செய்த சம்பவம் நடந்துள்ளது.

01:57:01 on 10 Dec

”முதல்வர் கனவோடு தான் ஸ்டாலின் உள்ளார். எனவே நித்தியானந்தா போன்று ஒரு தீவை வாங்கி அங்கு வேண்டுமானால் முதல்வராக ஸ்டாலின் ஆகலாம். தமிழகத்தில் ஒரு போதும் ஸ்டாலினால் முதல்வராக முடியாது” என அமைச்சர் ஜெயக்குமார் விமர்சித்துள்ளார்.

01:27:01 on 10 Dec

காஞ்சிபுரம் காமாட்சி அம்மன் கோயில் அருகே வசிக்கும் தாய் ஒருவர், கல்வி கற்க ஆசைப்படும் இரு குழந்தைகளையும் பள்ளியில் இருந்து நிறுத்தி விட்டு பிச்சை எடுக்க வைத்து வருகிறார். போதைக்கு அடிமையான அந்த தாயால், இரு குழந்தைகளும் எதிர்காலத்தை தொலைத்து நிற்பதாக தெரிவிக்கின்றனர் அப்பகுதி மக்கள்.

12:57:01 on 10 Dec

மதுரை சின்னசொக்கி குளம் பகுதியில் 'டேக்வாண்டோ' என்று சொல்லக்கூடிய கொரியன் தற்காப்புக் கலையை மாணவர்களுக்குப் பயிற்சியளித்து வருகிறார் நாராயணன். இவர் இந்தக் கலையை வளர்க்க வேண்டும் என முற்பட்டு கடந்த 2 வருடங்களில் 14 கின்னஸ் சாதனை படைத்து டேக்வாண்டோ கலைக்குப் பெருமையைத் தேடித்தந்துள்ளார்.

12:27:01 on 10 Dec

அயோத்தியில் இஸ்லாமியர்களுக்கு மசூதி கட்ட 5 ஏக்கர் நிலம் வழங்கப்பட்டதற்கு எதிர்ப்புத் தெரிவித்து அகில பாரத இந்து மகாசபா சார்பில் உச்ச நீதிமன்றத்தில் சீராய்வு மனு தாக்கல் செய்யப்பட்டுள்ளது. அதில், முஸ்லீம்கள் தங்களுக்கு வேறு இடம் வேண்டும் என்று கேட்காத நிலையில் அவர்களுக்கு நிலம் ஒதுக்கியது தவறு என குறிப்பிடப்பட்டுள்ளது.

11:57:02 on 10 Dec

சென்னையில் ஆபரணத் தங்கம் கிராமுக்கு 11 ரூபாய் குறைந்து 3,596 ரூபாய்க்கு விற்பனையாகிறது. ஆபரணத் தங்கம் ஒரு சவரன் 28,752 ரூபாய்க்கு விற்பனை செய்யப்படுகிறது. சென்னையில் ஒரு கிராம் வெள்ளி 46.40 ரூபாய்க்கு விற்பனையாகிறது.

11:27:38 on 10 Dec

திருநெல்வேலியில் இருந்து வரும் ஜனவரி 16ஆம் தேதி இரவு 9 மணிக்கு சிறப்புக் கட்டண ரயில் புறப்பட்டு, மறுநாள் காலை 11.30 மணிக்கு தாம்பரத்தை வந்தடையும். திருநெல்வேலியில் இருந்து டிசம்பா் 29, ஜனவரி 19 ஆகிய தேதிகளில் மதியம் 3 மணிக்கு சிறப்புக்கட்டண ரயில் புறப்பட்டு, மறுநாள் அதிகாலை 2.30 மணிக்கு தாம்பரத்துக்கு வந்து சேரும்.

11:25:01 on 10 Dec

ராமநாதபுரம் மாவட்டம் கடலாடி ஒன்றியத்துக்கு உட்பட்ட ஏனாதி கிராம் ஊராட்சி மன்றத் தலைவர் பதவி ரூ.5 லட்சத்துக்கு ஏலம் விடப்பட்டுள்ளது. ஊராட்சி மன்றத் தேர்தலில் மோதலை தவிர்ப்பதற்காகவே பொது வேட்பாளரை தேர்ந்தெடுத்து உள்ளதாக ஊர் மக்கள் விளக்கமளித்துள்ளனர்.

11:23:12 on 10 Dec